القائمة الرئيسية

الصفحات

ماذا تفعل فى حالة التخلف عن التجنيد ؟



أولا - التفرقة بين التخلف النهائى عن التجنيد و الهروب من التجنيد

الحالة الاولى - التخلف عن التجنيد

باختصار المتخلف عن التجنيد هو من ينطبق عليه سن التجنيد و لم يذهب نهائيا الى الفحص او الكشف الطبى فى منطقة التجنيد التابع لها وقت لزوم ذلك

الحالة الثانية - الهروب من التجنيد

هو قيام المجند بعد تجنيده و قيامه بأداء فترة من التجنيد بالهروب قبل انتهاء مدة التجنيد و عدم اكمالها 

ثانيا- عقوبات التخلف و التهرب من التجنيد

القانون المنظم للموضوع

جرائم التخلف عن التجنيد من الجرائم المنصوص عليها فى القانون رقم 127 لسنة 1980, والتى جاءت المادة 48 منه بتحديد اختصاص القضاء العسكري دون غيره، فيما يقع بالمخالفة لأحكام قانون الخدمة العسكرية والوطنية

العقوبة المقررة فى القانون

جاء النص القانونى على العقوبة فى حالة التخلف عن أداء الخدمة العسكرية الإلزامية فى المادة 49 من القانون رقم 127 لسنة 1980 بالآتى:- يعاقب كل متخلف عن مرحلة الفحص أو التجنيد متى تجاوز سنه الثلاثين عامًا بالحبس وغرامة لا تقل عن ثلاثة آلاف جنيه، ولا تزيد على عشرة آلاف جنيه أو بإحدى هاتين العقوبتين

ثالثا- اجراءات انهاء مشكلة التخلف من التجنيد

السن القانونى لبدء الاجراءات

قبل عرض تفاصيل الاجراءات اللازمة للتخلص من مشكلة التخلف من التجنيد يجب ان نوضح ان السن القانونى للتقدم لانهاء مشاكل التجنيد بالنسبة للحالة الاولى و هى التخلف النهائى بعدم الذهاب للفحص اوالكشف الطبى فى حالة استحقاقه هو سن ثلاثين عاما وفقا للقانون, و بالنسبة للحالة الثانية و هى قضاء فترة من التجنيد ثم الهروب وعدم اكمالها فان السن القانونى اذا كانت الواقعة قبل ابريل عام 2004 هو ثلاثون عاما, أما اذا كان بعد ابريل 2004 يكون السن القانونى لانهاء الاجراءات هو ستة وثلاثون عاما وفى حالة القبض على المتخلف او المتهرب قبل بلوغ السن القانونى السابق ذكره يتم الزام المتخلف او المتهرب بقضاء الخدمة العسكرية

المستندات المطلوبة لاتمام الاجراءات

فيش جنائي، شهادة ميلاد، بطاقة رقم قومي سارية, بطاقة الخدمة العسكرية 6 جند, أو رقم البطاقة الشخصية الورقية المستخرجة أول مرة وجهة استخراجها لمواليد عام 1984 وما قبلها أما اذا كان المتخلف سبق له الحصول على إعفاء أو استثناء مؤقت يتم تقديم ما يفيد بزوال السبب مرفقا بالمستندات السابقة

الاجراءات التنفيذية

يتوجه المتخلف عن التجنيد برفقته المستندات السابقة الى منطقة التجنيد التابع لها, و يتقدم بطلب انهاء الموقف التجنيدى, و يتم احالة الاوراق الى النيابة العسكرية و بعد التحقيق فاما تقرر النيابة العسكرية الا وجه لاقامة الدعوى او تحيل المتخلف بالاوراق الى القضاء العسكرى الذى يقرر فى جلسة المحاكمة اما الحبس او الغرامة وفى الاغلب تكتفى المحكمة بعقوبة الغرامة ما بين ثلاثة الاف و عشرة الاف جنيه, بشرط الا ترتبط جريمة التخلف عن التجنيد باى جريمة اخرى مثل تزوير المستندات المقدمة او اى جريمة عسكرية اخرى

الاجراءات التى يقدمها المحامى الالكترونى

بالاضافة الى خدمة الاستشارة القانونية التى يحتاجها اى مواطن فى اى مشكلة قانونية و منها التجنيد نحن نقدم الاستشارة القانونية لاى معلومات قانونية اضافية بقيمة عشرون جنيها فقط عبر الواتس آب , فان برنامج المحامى الالكترونى يقدم الخدمة القانونية لانهاء اجراءات الموقف التجنيدى من خلال قسم القضايا باتعاب مالية منافسة, و من يحتاج الى هذه الخدمة يمكن التقديم من خلال التسجيل فى هذه الاستمارة التالية استمارة التسجيل فى طلب انهاء الاجراءات القانونية للموقف التجنيدى

او التواصل معنا مباشرة عبر الواتس آب من هنا

تقديم واعداد

محمد حسين شلبى - المحامى بالنقض و الدستورية العليا

أنت الان في اول موضوع

تعليقات

80 تعليقًا
  1. حضرتك انا تقدمت لمنطقه التجنيد بالأوراق كامله اعطوني موعد بتاريخ ١/٢٠ هل هذا هو موعد المحاكمة العسكرية وهل يمكن الحصول على صوره الحكم في نفس اليوم بعد دفع الغرامه

    ردحذف
  2. السلام عليكم
    حضرتك انا من سنه تقدمت للتجنيد وعملت الكشف الطبى واستلمت استماره ١١٠ جند
    وبعد كدا لظروف قهريه تخلفت عن باقى الخطوات ومروحتش تانى
    موقفى ايه حاليا هارب ام متخلف وايه السن اللى هروح فيه عشان انهى الإجراءات دى انا حاليا ٢٦ سنه

    ردحذف
    الردود
    1. طب لو سمحت يا افندم
      لو اخدت اعفاء مؤقت حتي زوال السبب ومرحتش بعد زوال السبب وحاليا عندي ٣٣ سنه
      هل استني لبعد ٣٦ سنه
      ولا اروح اخلص الورق حاليا

      حذف
  3. لو سمحت أنا ذهبت للفحص الطبي وحصلت على لائق ثم تخلفت عن سماع السلاح .ماهو الموقف؟

    ردحذف
    الردود
    1. مرحبا بحضرتك بما انك توجهت للكشف الطبى وحصلت على لائق فلا يعتبر تخلف بل يعتبر تهرب واذا لم تبلغ 36 عاما فعليك تسليم نفسك لمنطقة التجنيد واذا كنت قد بلغت ال 36 عاما فتقوم بتقديم المستندات المطلوبة والمذكورة فى المقالة لانهاء اجراءات الموقف التجنيدى مع خالص تحياتنا وتقديرنا

      حذف
  4. ولكن هناك حالات قامت بالكشف الطبي فقط وبعد الثلاثين انهت موقفها التجنيد

    ردحذف
    الردود
    1. مرحبا بحضرتك يرجى التوجه لمنطقة التجنيد والتأكد من موقفك القانونى

      حذف
  5. كيف يعرف مندوب التجنيد بالقسم بيانات المتخلف أو الهارب

    ردحذف
    الردود
    1. من بيانات السجلات العسكرية الخاصة بكل مجند او مطلوب للتجنيد

      حذف
  6. الغرامه في محكمه الاسكندريه بتكون كام ؟ ..ومفيش حبس يعني عشان الواحد خايف يكون في حبس ؟..بالنسبه للمتخلف وعدي ال 30 ..شكرا لحضرتك

    ردحذف
    الردود
    1. مرحبا بحضرتك تحديد المبلغ هو امر من اختصاص المحكمة ولكن جرى العرف فى حالات كثيرة جدا ان تكون الغرامة ما بين خمسة الاف الى عشرة الاف وهو امر تقديرى للمحكمة , وبالنسبة للحبس فنسبة تسعون بالمائة ممن قاموا بهذا الاجراء لم يدفعوا الا الغرامة ولم يتم الحكم عليهم بالحبس

      حذف
  7. لو انا المفروض اقدم السنه الي فاتت دفعه تانيه وحصلت ظروف منعتي وممكن اقدم السنه دي وهل في عقوبه ولا لا وامتي اقدم

    ردحذف
    الردود
    1. مرحبا بحضرتك اعتقد انك يجب ان تذهب الى منطقة التجنيد وبنسبة كبيرة لن يكون هناك عقوبة وسيحدد لك موعد لاجراءات التجنيد

      حذف
  8. لو سمحت حضرتك ..لو لا قدر الله حكم بالحبس بالنسبه للمتخلف وعدي ال30 بيكون مدته كام لان القانون مش محدد المده هو مكتوب بالحبس ومش محدد المده ؟؟

    ردحذف
    الردود
    1. بنسبة كبيرة لا يتم الحكم بالحبس ولكن للمعرفة فعقوبة الحبس هى عقوبة الجنح التى لا تجاوز ثلاث سنوات والمحكمة هى صاحبة سلطة التقدير فى تحديد مدة الحبس

      حذف
  9. انا عمر ثلاثين ومدخلتش جيش وكانت مسافر ورجعات وما عرفش المنطق في مصر ممكن تقوالي في منطقة التجنيد انا سكان دمياط

    ردحذف
    الردود
    1. مرحبا بحضرتك منطقة التجنيد الخاصة بدمياط بسندوب بالمنصورة

      حذف
  10. أنا تعملي فصل من كلية الشريعة والقانون لبلوغي سن التجنيد 28سنه وانا حلين سني30 ينفع اقدم نفسي المحاكمه ولا اتجند

    ردحذف
    الردود
    1. مرحبا بحضرتك لما بتوصل لسن 30 بيعتبر تخلف عن التجنيد بتتبع اجراءات التخلف اللى منشورة

      حذف
  11. لوسمحت انا اتقدمت للتجنيد وكنت لاءق ولكن لظروف مرحتش اسمع سلاحى بقالى اربعه سنوات لو سلمت نفسى للتجنيد ايه العقوبه وكم مده الحبس وهل بتبان فى الشهاده

    ردحذف
    الردود
    1. قبل سن الثلاثين يتم تجنيدك ولكن لا نعرف بالضبط اذا كانت هناك عقوبة للتأخير فى تسليم نفسك يرجى الرجوع الى موقع ادارة التجنيد والتعبئة والاستفسار منهم بشكل مباشر

      حذف
  12. معلش يعني أنا كدا اتبع اجرات وادفع الغرامه بعد 30ام 31 مع العلم أنا ازهر واسمع أن هناك اثنين قانون الي هوا 30وا31وانا تعملي فصل علي سن 28 فانا مش عارف يطبق علي قانون 30ام 31 وشكرا لحضرتك

    ردحذف
    الردود
    1. يرجى الدخول على موقع ادارة التجنيد والتعبئة الاستفسار منهم بشكل مباشر

      حذف
  13. السلامو عليكم انا سني حاليا 25سنه ومتزوج ومرحتش خالص اقدم علي التجنيد هل كشف علي ف اي قسم أو أمن أمن الدوله يظهر أن مخدمتش جيش وهل لو ظهر كده اي الحل وشكرا

    ردحذف
    الردود
    1. وعليكم السلام ورحمة الله اكيد البيانات المسجلة على الكمبيوتر الامنى سوف يظهر فيها الموقف التجنيدى وليس امامك الا ان تسلم نفسك لمنطقة التجنيد او تنتظر حتى بلوغك سن الثلاثين وتعتبر متخلف عن التجنيد

      حذف
  14. لو عندنا حد متخلف عن الجيش وعملنا مشاكل كتيره نبعتو ازي

    ردحذف
  15. لو سمت لو عندنا شاب في الثلاثين ومتخلف عن الجيش وعملنا مشاكل كتيره وعيزين ندخلو الجيش ازي

    ردحذف
    الردود
    1. لو بلغ ال 30 عاما فلم يعد له تجنيد وكل ما سيحدث انه سيخضع للمحاكمة العسكرية وتوقع عليه الغرامة

      حذف
  16. لو سمحت ادوني إعفاء مؤقت عن طريق الخطأ و المحامي قالي يبقى تزوير و قالي اقدم نفسك بعد الثلاثين
    و انا الكشف العائلي ال قدمته فات عليه ١٠ سنوات ينفع اروح اسلم نفسي و ادخل الجيش و برضوا تسقط عني قضيه التزوير
    انا مش عايز اكون متخلف
    و برجاء طريقه للتواصل مع حضرتك وشكرا

    ردحذف
    الردود
    1. مرحبا بحضرتك التزوير بيكون فى حالة تقديم مستندات رسمية او تعمد اخفاء معلومات هامة جدا تؤثر على الموقف , وبالنسبة لدخولك الجيش فلو لم تبلغ سن 30 سنة فيمكن لك تسليم نفسك لمنطقة التجنيد واتشرف طبعا بالتواصل معك ويمكن التواصل عبر الواتس آب على الرقم
      01119990337

      حذف
  17. بعدازن حضرتك انا معايه شهادت تئجيل كبير عيله والسبب زال بوفات ولدتي من ٤سنين ونا حالين عندي ٣٣سنه عاوز اعرف ايه الورق المطلوب
    مع العلم ان شهادت ميلادي اسكندريه وبطقتي ٦اكتوبرجيزه هل القيدالعائلي ينفع يستخرج من اكتوبر
    اسف علي الاطاله

    ردحذف
    الردود
    1. اهلا بحضرتك اولا القيد العائلى من 6 اكتوبر عادى وبالنسبة للاوراق المطلوبة حسب اعلان الصفحة الرسمية للتجنيد والتعبئة هى الفيش الجنائى والقيد العائلى وشهادة الميلاد وبطاقة التجنيد الورقية

      حذف
  18. اني ناضري ضعيف جدا منكن اخود اعفاء باس متخلف

    ردحذف
    الردود
    1. هو حضرتك التخلف عن التجنيد حاجة والاعفاء حاجة تانية - التخلف عن التجنيد هو اللى سنه عدى 30 سنة وما راحش الجيش نهائى ولا اخد اى اعفاء - اما الاعفاء هو اللى بتقرره ادارة التجنيد وفق ضوابط خاصة بها

      حذف
  19. انا عندي 23سنة وعايز اتطوع ورحت النهاردة مكتب التجنيد وسالوني عن موقف التجنيد قلتلهم متخلف قلولي مينفعش اعمل ايه

    ردحذف
    الردود
    1. اسفين جدا حضرتك موضوع التطوع او القبول فى اى جهة مش اختصاصنا احنا بنشتغل فقط فى حالة وجود قضايا يرجى الرجوع لادارة التجنيد والتعبئة والاستفسار منها

      حذف
  20. من فضلك اناموليد 1985 وقضيت عشر شهور في الجيش وهربت ونا دلوقتى عايز الشهادة اعمل اية ومش عايز اتحبس عشان عندى عيال

    ردحذف
    الردود
    1. مرحبا بحضرتك بالنسبة للهروب من التجنيد تحتاج ان يكون عمرك 36 عاما للتقدم لتسوية الموقف التجنيدى

      حذف
  21. لو كنت محبوس فى السجن فى قضية مخدرات لمدة ثلاث سنوات ومروحتش بعد ما خرجت ودلوقتى عديت السن القانوني 33 سنه موقفى ايه

    ردحذف
    الردود
    1. حضرتك هتعمل نفس اجراءات المتخلف عن التجنيد عادى

      حذف
  22. اخدت من التجنيد إعفاء مؤقت لحين زوال السبب وهو تخرج اخي الأصغر من دراسته أو وصول الأخ الذي يلية إلى سن التجنيد وبالفعل تخرج اخي من الدراسة وأتم الخدمة العسكرية
    حاليا انا خرج مصر واتميت سن٢٩ الحل الأمثل الانتظار خارج مصر لسن ٣٠ ومدة التقديم للمحكمة العسكرية والحكم تاخد كم من الوقت

    ردحذف
    الردود
    1. انهاء الموقف التجنيدى بعد تمام 30 عام وتقريبا الاجراءات تستهلك شهر

      حذف
  23. السلام عليكم ورحمه الله وبركاته حضرتك انا مواليد تسعين وانا وحيد من الام ولكن لي ١٣اخ من ابويا من زوجات تانية وحاولت اعمل قيد عائلي لكن معرفتش لان كل زوجه في محافظة وفي منهم اللي ساقط قيد على حسب كلام موظف الأحوال المدنية ولذلك واجهت صعوبات في عمل الاوراق ولم تكتمل ولم اقوم بعمل اي أوراق أخرى ما العمل وجزاكم الله كل الخير ...كامل تقديري
    واحترامي لمجهود حضرتك اسف للاطالة

    ردحذف
    الردود
    1. لو ممكن حضرتك تراسلنا عبر رسائل صفحة الفيس بوك هتلاقى الشعار بتاعها فى اعلى هذه الصفحة حتى نستوضح منك بعض الامور وان شاء الله يكون فيه حل

      حذف
  24. حضرتك طالبين منى بالشغل فيش جنائي وانا متخلف عن التجنيد وعمرى تخطى التلاتين وظروفى الماديه لا تسمح بتسوية موقفى من التجنيد حاليا هل اقدر استخرج فيش جنائي ولا هيقبضوا عليا هناك

    ردحذف
    الردود
    1. لا حضرتك الفيش الجنائى مالوش علاقة بموضوع التخلف عن التجنيد نهائى روح استخرجه عادى

      حذف
  25. انا شاب عندي 24 عام ومتزوج لم اسعي باي حال الي التجنيد بمعني اني متخلف عن التجنيد واعمل سائق لكن مش عارف احصل علي رخصة قياده مهنيه بسبب شهادة الاعفاء وانا اصغر اخوتي ووالدي متوفي من صغري ووالدتي كبيره في السن وانا اللي بعولها لكن اخويا الاكبر مني عايش معايا في نفس البيت هل اقدر اثبت اني عائل لامي عشان احصل علي اعفاء موقت

    ردحذف
    الردود
    1. تقدر ان شاء الله بس لازم تقدم ما يفيد انك العائل الوحيد لوالدتك

      حذف
  26. لو سمحت انا خطيبي كبير اخواته ووالده ووالدته عايشين بس هو ارزوقي هل ينفع له اعفاء

    ردحذف
    الردود
    1. لو اخواته لسه فى مراحل التعليم ووالده غير قادر على الكسب ممكن يحصل على اعفاء

      حذف
    2. هو عندو ولدين صغيرين وبنت صغيرة وولد اصغر منه بتلات سنين

      حذف
    3. هو المهم انه يقدم ما يفيد انه العائل الوحيد للاسرة وان اخوه اللى اصغير منه لا يعمل وان ابوه غير قادر على الكسب

      حذف
  27. السلام عليكم .. لو سمحت انا فيه عندي مشكلة ومش عارف ازاي احلها ربنا يبارك فيك
    انا دلوقتي مسافر في السعودية والجواز بتاعي انتهى من الشهر اللي فات واقامتي هتنتهي بعد 10 ايام لما جيت اجددها قالو لازم اجدد الجواز ولما كلمت السفاره للتجديد قالولي لازم موقفي من التجنيد يتحدث لاني ف الجواز القديم كنت في سن التجنيد لكن دلوقتي انا 29 سنة وشهر يعني المفروض اخد اعفاء نهائي فبيقولولي اني اقدم خروج نهائي او استنى سن ال 30 وبعدين ادفع غرامة في السفاره وطبعا مش هقدر اقعد سنة كاملة هنا بدون اقامة ولا جواز سفر.. ارجو الحل لمشكلتي لو كان ليها اي حل اقدر اعمله

    ردحذف
    الردود
    1. وعليكم السلام ورحمة الله وبركاته هو حضرتك مناطق التجنيد الان معلقة اى اجراءات بخصوص المعاملات التجنيدية حتى 11 ابريل بسسب الاوضاع الحالية - بس ممكن حضرتك تدخل على موقع ادارة التجنيد والتعبئة وتبعتلهم بشكل مباشر وهما ممكن يساعدوك ان شاء الله

      حذف
  28. السلام عليكم ورحمة الله وبركاته..
    أستاذنا الفاضل جزاك الله خيرا ً على هذا المجهود المبذول والرائع
    سؤالي
    ما هي اجراءات وشروط رد الاعتبار لمجند نفذ عقوبة الحبس لهروبه من الخدمة ؟
    شاكر لحضرتك

    ردحذف
  29. اولا جزاكم الله خيرا على هذا المجهود
    انا معيد في أحد الجامعات الحكومية و معي إعفاء مؤقت كبير عيلة و إن شاء الله هسافر الدكتوراة لو تخلفت عن التجنيد و اتفصلت من الجامعة هل ممكن العودة للجامعة بعد تسوية القضية و دفع الغرامة
    و شكرا

    ردحذف
  30. السلام عليكم
    حضرتك انا مواليد 1/9/1997ولم اذهب لتأدية الخدمه العسكريه وعايز اقدم وعايز اعرف ايه اللي ممكن اعمله وايه ممكن يحصل معايا مع العلم اني بجيد القياده وسمعت أن ممكن يتخفضلي مدتي لو سواق

    ردحذف
    الردود
    1. مرحبا بحضرتك الرد على هذا الاستفسار يخص ادارة التجنيد وارجو منك الاتصال بادرة التجنيد والتعبئة لمعرفة الرد الصحيح مع خالص تحياتى وتمنياتى بالتوفيق

      حذف
  31. حضرتك أنا عندى 29سنه كنت عايز اعرف هل من الممكن اقدم ورق كبير عيله أنا أكبر اخواتى ووالدى متوفى واخويا عنده18سنه ووالدتى فقط

    ردحذف
    الردود
    1. اولا مرحبا بحضرتك هو للاسف الموضوع بتاعك ده ليس له علاقة باعمالنا القانونية وهو يخص ادارة التجنيد ولكن اعتقد انه يمكن ان تحصل على الاعفاء اذا كان اخوك مازال فى مراحل التعليم وارجو منك الاتصال بادرة التجنيد والتعبئة لمعرفة الرد الصحيح مع خالص تحياتى وتمنياتى بالتوفيق

      حذف
  32. حضرتك انا عندي 28سنه ومتخلف عن التجنيد مقدمتش اي ورق يعني وعوز اروح اعمل فيش جنائي علشان محتاجوا هل لو رحت اعمله في القسم التابعي ليه هيبقا في مشكله هيعرف اني متخلف عن التجنيد وله عادي ارجو الرد

    ردحذف
    الردود
    1. اعتقد حضرتك ان بيانات المطلوبين للتجنيد بتبلغ لاقسام الشرطة

      حذف
  33. لو سمحت انا اخدت اعفاء مؤقت لانى كبير عيلة ابويا معدة 60 واخويا الصغير بيدرس وانا حاليا لسه بدرس بس انا اتميت 29 سنة بس اخويا لسه قدامو 3 سنين ويخلص هل لازم اقدم نفسى للجيش ولا استنى اما اكمل 30 سنة

    ردحذف
  34. لو سمحت انا مشكلتى مختلفة شوية
    انا عندى فيروس نقص المناعة وانا حاليا مش فى مصر بس الباسبور بتاعى هيخلص قبل ما اتم 30 ومحتاج اجدده عشان الشغل والاقامة فى الدولة اللى انا فيها حاليا
    انا عارف ان انا لو رحت كشف طبى هاخد اعفى لكن الموضوع محرج جدا بالنسبالى ومش عايز اتعرض للتجربة دى او اخاطر ان حد من اهلى يعرف ان عندى الفيروس ده.
    هل فيه طريقة ان مثلا اجيب تحليل من مستشفى واقدم ملفى بسرية من غير ما اضطر اروح واعمل كشف طبى؟
    هل فى سبب الاعفى هيتكتب ان عندى فيروس نقص المناعة؟
    انا محتاج استشارة لو سمحت ومستعد ادفع اتعاب
    شكرا

    ردحذف
    الردود
    1. بعد اذنك ياريت التواصل عبر الواتس اب فى انتظار مراسلتك

      حذف
  35. اناعملت محكمة عسكريه ودفعت الغرامة وجبت الحكم وعايزاجيب الشهادة التجنيدفاتح ولاقافل

    ردحذف
  36. أنا عندي 56 سنة ولم اتقدم للتجنيد إطلاقا وعاوز اعمل شهادة إعفاء الخدمة العسكرية ... هل ستطبق عليا الغرامه او الحبس ولا لا ..
    شكراً ..

    ردحذف
    الردود
    1. تحديد موضوع غرامة او حبس ده قرار المحكمة العسكرية

      حذف
  37. حضرتك أنا كنت محبوس في قضية مخدرات وسلاح وخرجت بقالي اربع سنين بس مرحتش التجنيد ايه إللي هيام معايا لما اروح

    ردحذف
    الردود
    1. حضرتك بتعمل فيش جنائى وتتوجه لادارة التجنيد واعتقد فى الحالة دى لو ما كنتش تميت 30 سنة ممكن تاخد اعفاء

      حذف
  38. ممكن اعرف لو حد صابعو انقطع بعد مادخل الجيش ممكن يطلع ولا خلاص كده شكرا وايه الاجراءت الي هيحصل معاه بعده كده

    ردحذف
    الردود
    1. حضرتك دى معلومة تخص ادارة التجنيد برجاء الرجوع اليهم

      حذف
  39. حضرتك انا تميت ٣٠عام وعاوز اخلص اوراقى عشان اكمل كليه الصيدله
    عاوز اتاكد ان السن ٣٠ بالضبط

    ردحذف
  40. القادمين من الخارج هل يتم معهم اي اجراء بالمطار لحظة دخولهم مصر من ناحية موقف التجنيد؟

    ردحذف
المحامى الالكترونى